ESE KOKO AGATHOS RWASA YABAYTOROTSE UBURUNDI NAWE??????

amakuru akomeje kuvugwa nuko yemeza yuko Agathon Rwasa wari ku isonga kurwanya manda ya gatatu ya Petero Nkurunziza ariko akaza kwigarurirwa n’ubutegetsi yatorotse igihugu ubu akaba abarizwa muri Afurika y’Epfo.

Rwasa uyoboye ishyaka rya FNL, mbere ryitwaga FNL Palipehutu, yifatanyije n’andi mashyaka yo muri opozisiyo nka UPRONA ya Charles Nditije na CNDD ya Leonard Nyangoma banga kwitabira amatora y’ubushize yashubije CNDD-FDD na Petero Nkurunziza ku butegetsi muri Nyakanga uyu mwaka.

Rwasa ariko yaje gutungura benshi aho yemereye umwanya wo kuba Visi Perezida wa kabiri w’inteko nshingamategeko muri ubu butegetsi bwa Nkurunziza yarwanyaga yivuye inyuma yuko bwasubiraho. Bagenzi be muri opozisiyo bakomeje kumufata nk’umugambanyi ariko we ukabona nta kintu bimutwaye !

Amakuru yuko Rwasa yatorotse igihugu ntabwo aramenyekana neza ariko hari ibintu umuntu yashingiraho ahamya yuko ashobora kuba ariyo. Icya mbere n’uko ubu Rwasa ntabwo akiboneka mu Burundi cyanga ngo abe yumvikana. Aracecetse gusa !

Icya kabiri n’uko bizwi yuko Rwasa yari yaragiye muri Afurika y’Epfo mu butumwa bw’akazi. Iminsi yari kumarayo yarashize ariko we akaba ataragaruka.

Ikindi cyiyongera kuri ibyo n’uko byari bimaze iminsi bivugwa yuko Umushinjacyaha Mukuru mu Burundi, Bagorikunda Valentin, yari yarandikiye inteko nshingamategeko ayisaba gukuraho Rwasa ubudahangarwa (immunity) nka Visi Perezida w’inteko ngo abe yakurikiranwa mu nkiko, ngo ubu Bagorikunda akaba yarasohoye manda mpuzamahanga yo guta Rwasa muri yombi. Rwasa ashinjwa kuba yarafashije cyangwa nibura yarishimiye ya kudeta ya pfubye yo guhirika Nkurunziza ku butegetsi ariko urwitwazo rukaba byabindi yuko akiri mu ishyamba yategetse abarwanyi be kwica impunzi z’Abanyamurenge zari mu nkambi ya Gatumba aho abantu bagera kuri 200 bishwe urupfu rubi mu ijoro rimwe !

Abakurikiranira hafi iby’u Burundi bahamya yuko nubwo Rwasa yemeye umwanya muri ubu butegetsi bwa Nkurunzi, butemewe n’Abarundi batari bake ndetse n’amahanga, ariko nawe umbwe ntabwo yabwemeraga. Bamwe bavuga yuko kugira ngo yemere kubujyamo Nkurunziza yabanje kumuha amafaranga y’amarundi angana na miliyari enye yizeye yuko nabujyamo bizasenya opozisiyo. Kandi koko hari ukuntu byayigabanyirije imbaraga ariko ntiyasenyutse.

Rwasa rero aramutse yarahunze igihugu n’izo miliyari enye mu mufuka nta gihombo yaba afite ahubwo bizazahaza ubutegetsi bwa Nkurunziza ariko ntabwo bizazanzamura cyane Rwasa muri politike kuko abo bari bafatanyije muri opozisiyo batazongera kumugirira icyizere kuko babonye yuko nta muntu umurimo !

 TUYAkesha rushyashya.com

 Agathon Rwasa yatorotse u Burundi

Publish Date: jeudi 26 novembre 2015

Papa yahimirije Kenya kuganira hagati y'amadini

Papa Francis yabonanye n'abarongozi b'amadini ya Islam n'ay'Abakristu muri Kenya mu rugendo rwa mbere agize muri Afrika.

Muri uwo mubonano, Papa yavuze ko ibiganiro hagati y'amadini atandukanye bigoye ngo ariko ni ivya nkenerwa.

Afatiye ku bitero vyahitanye benshi vyagabwe n'abarwanyi ba ki Islam kw'isoko rya kijambere rya Westgate na kaminuza ya Garrisa, yavuze ko izina ry'Imana ritagomga gukoreshwa mu mvo z'ubwicanyi.

Hagati aho hariko haraba inkuka y'imisa isomwa na Papa Francis kuri kaminuza ya Nairobi.

Umutekano uracungerewe cane, abapolisi n'abasirikare bakaba baje gufasha gusaka abantu baje mw'iyo misa. tuyikesha. bbc gahuza  miryango